Әкімдік ғимаратында шабуылдан аман қалған Руслан Берденов Шымкент қаласы әкімінің орынбасары қызметінен кетті. Бұл туралы қала әкімдігінің баспасөз қызметі мәлімдеді, деп хабарлайды Arasha.kz.
– Руслан Берденов өз еркімен Шымкент қаласы әкімінің орынбасары қызметінен кетті. Ол бұл лауазымды осы жылдың ақпан айынан бері атқарып келген, — делінген хабарламада.
Еске сала кетейік, күні кеше Берденовке қастандық жасау ісі бойынша сот аяқталған болатын. «Тұрғын үй Шымкент» ЖШС-нің бұрынғы басшысы Ернар Жиенбай 9 жылға бас бостандығынан айырылды. Сот отырыстарында ол жанжалдың себебі – қызғаныш екенін айтқан. Сотталғанның сөзінше, шенеунік оның жұбайына көңіл аударып, кейін Шымкент әкімі Ғабит Сыздықбековті қаралауды ұсынған.
