"Қазгидромет" 31 тамыз, жексенбі күнгі ауа райы болжамын жариялады, деп хабарлайды Arasha.kz.
Абай облысы – найзағай, бұршақ, дауыл, күшті жауын күтіледі. Батыстан солтүстік-батысқа ауысатын желдің екпіні 15-20 м/с, кей жерлерде 23-28 м/с дейін жетеді. Өңірдің батысында, оңтүстігінде және шығысында өрт қаупі жоғары. Семейде күндіз қатты жаңбыр жауып, бұршақ пен дауыл болуы ықтимал.
Ақмола облысы – түнде тұман, күндіз найзағай. Солтүстік-батыс желі 15-20 м/с дейін күшейеді. Өңірдің батысы, оңтүстігі және шығысында өрт қаупі жоғары.
Ақтөбе облысы – күндіз батыстан жел соғады, екпіні 15-20 м/с. Өңірде өрт қаупі жоғары, оңтүстігінде өте жоғары деңгейде. Ақтөбеде де жағдай осындай.
Атырау облысы – шаңды дауыл күтіледі. Күндіз 35-37 градусқа дейін қатты ыстық болады. Желдің жылдамдығы 15-20 м/с. Өңірдің шығысы мен оңтүстігінде өте жоғары өрт қаупі сақталады.
Шығыс Қазақстан облысы – қатты жаңбыр, найзағай, бұршақ пен дауыл күтіледі. Желдің екпіні 23-28 м/с дейін жетуі мүмкін. Өңірдің бірқатар бөлігінде өрт қаупі жоғары. Өскеменде де күндіз осындай ауа райы болжануда.
Жамбыл облысы – солтүстік-батыстан солтүстік-шығысқа ауысатын желдің күші 15-20 м/с. Өңірде өрт қаупі өте жоғары.
Жетісу облысы – желдің екпіні кей жерлерде 23-28 м/с дейін жетеді. 31 тамыз – 2 қыркүйек аралығында жоғары және өте жоғары өрт қаупі сақталады.
Батыс Қазақстан облысы – жоғары және өте жоғары өрт қаупі күтіледі.
Қостанай облысы – найзағай, кей жерлерде бұршақ пен дауыл болжануда. Желдің екпіні 15-20 м/с. Өңірдің оңтүстігінде өте жоғары, батысында жоғары өрт қаупі сақталады.
Қызылорда облысы – күндіз 15-20 м/с жел, өңір бойынша өте жоғары өрт қаупі бар.
Павлодар облысы – қатты жаңбыр, найзағай, бұршақ, дауыл күтіледі. Желдің күші 23-28 м/с дейін жетуі мүмкін.
Солтүстік Қазақстан облысы – түнде және таңертең тұман, күндіз найзағай мен бұршақ болуы ықтимал. Желдің екпіні 15-20 м/с.
Түркістан облысы – шаңды дауыл, солтүстік-шығыстан соққан жел 15-20 м/с дейін жетеді. Өңірде өте жоғары өрт қаупі сақталады.
Алматы қаласы – бұлт үйіріліп, жел соғады, жауын-шашын болмайды. Түнде +15…+17 °C, күндіз +23…+25 °C.
Шымкент қаласы – аздаған бұлт, жаңбырсыз. Түнде +15…+17 °C, күндіз +29…+31 °C.
Астана қаласы – бұлт үйіріліп, жел соғады, аздаған жаңбыр жауады, күндіз найзағай. Түнде +8…+10 °C, күндіз +14…+16 °C.
