Билік мұны жаңа оқу жылының басындағы жол кептелістерімен күрес шарасы деп түсіндіреді, деп хабарлайды Arasha.kz.
Алматы әкімдігі "Атакентке" хат жолдап, жалға алушылар мен қосалқы жалға алушылардың бір бөлігін қашықтан жұмыс істеуге көшіруді өтінді.
Бұл шара 2025 жылдың 6 қыркүйегінен бастап қаладағы көлік жүктемесін азайтуға бағытталған.
Басқарушы компания Mongoose Property жалға алушыларды биліктің уақытша ұсынымы туралы хабардар етті.
Жалға алушылардан жұмыстың сапасына зиян келтірмей, қызметкерлерін ішінара қашықтан жұмыс форматына көшіру сұралды.
Жаңа оқу жылының басталуы мен жол жөндеу жұмыстары кептелістерді күшейтіп отыр. Депутаттар оқу мен жұмыс кестесін өзгертуді ұсынуда, ал QazaqGaz Aimaq газ құбырын қайта құруды кейінге қалдырды.
Алматылықтар жыл сайын кептелісте 200 сағатқа дейін уақыт жоғалтады, негізгі магистральдар әлі де шамадан тыс жүктелген.
