Синоптиктердің мәліметінше, 4 қыркүйекте еліміздің басым бөлігінде ауа райы құбылмалы болады, деп хабарлайды Arasha.kz.
Көптеген өңірде жаңбыр жауып, найзағай ойнайды. Батыс аймақтарда қатты нөсер жауып, бұршақ түсіп, жел күшейеді.
Ал оңтүстік, оңтүстік-шығыс және орталықта күн ашық әрі жауын-шашынсыз өтеді.
Республика бойынша желдің күшеюі күтіледі. Солтүстік өңірлерде түнде және таңертең тұман түсуі ықтимал. Шығыс пен орталықта түнгі уақытта ауа температурасы +2…+10 °С аралығында болып, кейбір жерлерде жер бетінде –2 °С дейін төмендейді.
Күндізгі температура:
- Батыс: +15…+27 °С;
- Солтүстік: +25…+30 °С;
- Орталық: +25…+35 °С;
- Шығыс: +12…+25 °С;
- Оңтүстік: +33…+38 °С;
- Оңтүстік-шығыс: +28…+33 °С;
- Таулы өңірлер: +18…+23 °С.
