Алмалы ауданында автобус жүргізушісі жаяу жүргіншілер өткелінде электросамокатпен келе жатқан екі қызды қағып кетті, деп хабарлайды Arasha.kz.
«Жергілікті полиция қызметінің кезекші бөлімі хабарлағандай, жол-көлік оқиғасы кеше сағат 12:30-да Алматы қаласының Алмалы ауданында болған. «Фотон» маркалы автобустың жүргізушісі Мақатаев көшесімен шығыс бағытта келе жатып, Уалиханов көшесі бойымен солтүстікке қарай жаяу жүргіншілер өткелі арқылы қозғалған екі қызды қағып өткен», – деп мәлімдеді Алматы қалалық полиция департаментінің баспасөз қызметі.
Алдын ала мәлімет бойынша, 2008 жылы туған қыздар түрлі дене жарақатын алып, медициналық мекемеге жеткізілді.
«Жол апатының мән-жайын Алмалы аудандық полиция басқармасының қызметкерлері анықтап жатыр», – деді полиция департаментінде.
