Румыния Қорғаныс министрлігі сенбі күні көрші Украинадағы инфрақұрылымға Ресей дрондары шабуыл жасаған кезде олардың біреуі Румыния әуе кеңістігіне кіргенін мәлімдеді, деп хабарлайды Arasha.kz.
Министрліктің хабарлауынша, Румыния әуеге екі F-16 жойғышын көтерген. Олар «дронды ұлттық әуе кеңістігінде анықтап», ол Дунай бойындағы Килия-Веке ауылына жақын жерде «радар экрандарынан жоғалғанға дейін» бақылаған. Қазірше оның сынықтары табылған жоқ.
Румын Қорғаныс министрлігі дрон «елді мекендердің үстінен ұшпағанын және халықтың қауіпсіздігіне тікелей қатер төндірмегенін» атап өтті.
Украинадағы кең ауқымды соғыс басталғалы бері Румыния аумағына Ресей дрондарының сынықтары бірнеше рет құлаған.
Осы аптада Ресей дрондарының үлкен бөлігі Польшаның әуе кеңістігіне де кірген, бұл оқиғаны Варшава мен басқа да еуропа елдері НАТО-ның реакциясын әдейі тексеру әрекеті ретінде қабылдады.
