Тергеу комитеті тележүргізуші Владимир Соловьевтің құны 340 миллион рубльден асатын жылжымайтын мүлкіне байланысты тексеріс бастады. Бұл туралы «Разведчик» телеграм-арнасы мәлімдеді, деп хабарлайды Arasha.kz.
Арнаның Тергеу комитетіндегі дереккөздерінің айтуынша, құқық қорғау органдарының назарын «Соловьев.Live» медиажобасына қатысты қаржы ағындарын зерттегеннен кейін жүргізушінің жеке активтері аудартқан.
Алдын ала мәлімет бойынша, арнаны қолдауға бағытталған қаражаттың бір бөлігі заңсыз иемденілуі мүмкін деген күдік бар.
Тексеру барысында Владимир Соловьевтің Мәскеуде бірнеше жылжымайтын мүлік нысаны бар екені, олардың бірқатары жалған компаниялар арқылы рәсімделгені анықталған. Бұл активтердің жалпы құны 340 миллион рубльден асады. Қазір Тергеу комитеті осы компаниялар мен арнаның қаржылық операциялары арасындағы байланысты зерттеп, қаржы жымқыру мен ақшаны жылыстату деректерін анықтауға тырысуда.
Күдіктер расталған жағдайда, тергеушілер анықталған мүлікке арест салу үшін сотқа жүгінуді жоспарлап отыр. Бұл тергеу аяқталғанға дейін жылжымайтын мүлікке қатысты кез келген мәмілені болдырмауға мүмкіндік береді.
«Егер қаражатты иемдену фактілері расталса, тергеушілер барлық анықталған нысандарға арест салу туралы сотқа өтініш білдіреді. Бұл тергеу аяқталғанға дейін мүлікті үшінші тұлғаларға сатып немесе аударып жіберу әрекеттерін тоқтатады», — деп түйіндеді «Разведчикке» сұхбат беруші.
