2025 жылдың 6–17 қазан аралығында Польшаның Варшава қаласында ЕҚЫҰ Демократиялық институттар және адам құқықтары жөніндегі бюросының (БДИПЧ/ОБСЕ) гуманитарлық өлшем жөніндегі конференциясы өтіп жатыр, деп хабарлайды Arasha.kz.
Бұл іс-шара аясында Қазақстан адам құқықтары мен халықаралық гуманитарлық құқық саласындағы халықаралық құқықтың негізгі қағидаттарына адалдығын тағы да растады. Бұл қағидаттар – қазіргі заманғы жеке тұлғаны жаһандық қорғау жүйесінің іргетасы болып табылады. Конференция барысында елімізде сөз бостандығының жай-күйі туралы баяндама ұсынылды.
Ақпараттық саясат саласының сарапшысы Михаил Комиссаровтың айтуынша, елдегі медиа-заңнаманың дамуы ашықтық, диалог және заң үстемдігі қағидаттарына негізделген.
– Қазақстан Республикасы сөз және пікір білдіру еркіндігі саласында жалпыға танылған халықаралық нормаларды берік ұстанады. Біз әрбір азаматтың дауысы естілетін заманауи, қауіпсіз және бәсекеге қабілетті медиа кеңістік қалыптастырып жатырмыз, – деп атап өтті ол.
Сөз еркіндігінің негізгі кепілдіктері Конституцияның 20-бабында бекітілген, онда цензураға тікелей тыйым салынған. Бұл қағидаттар жаңа «Бұқаралық ақпарат құралдары туралы» заңда өз жалғасын тауып, журналистердің еркіндігі мен қоғам мүддесін қорғау арасындағы тепе-теңдікті қамтамасыз етеді.
