ХАМАС ұйымы «Қызыл Крестке» жеті адамнан тұратын алғашқы тұтқындар тобын тапсырды. Бүгін тірі қалған барлық израильдіктер босатылуы тиіс, деп хабарлайды Arasha.kz.
Тұтқындардың көбі бейбіт тұрғындар болған. Олар Газа секторында екі жылдан астам уақыт бойы тұтқында ұсталды. Олардың босатылуы — соғысты тоқтату үшін Израиль мен АҚШ қойған басты талаптардың бірі еді. Бейбіт келісімге сәйкес, ХАМАС дүйсенбі күні түске дейін тірі қалған 20 тұтқынның барлығын босатуы керек. Алғашқы жеті адамнан тұратын топ таңғы сағат сегізден кейін босатылды. ХАМАС тұтқындарды Қызыл Крест өкілдеріне тапсырды, ал ұйым өз кезегінде оларды Газа секторындағы израильдік күштерге тапсырады.
Келісім аясында ХАМАС сондай-ақ қаза тапқан 28 тұтқынның денелерін қайтаруға міндетті. Алайда келіссөздер кезінде ұйым барлық мәйіттердің нақты орналасқан жерін білмейтінін мәлімдеді. Кейбір жағдайларда оларды күзеткен содырлар қаза тауып, денелер қирандылар астында қалған болуы мүмкін.
Тұтқындарды босатуға айырбас ретінде Израиль өмір бойы бас бостандығынан айырылған 250 палестиналық тұтқынды босатады. Тель-Авив қаласында тұрғындар көшеге шығып, тұтқындардың босатылуын қуанышпен атап өтті.
