АҚШ президенті Дональд Трамп Ақ үйде журналистермен кезекті кездесу өткізгенде, бір журналист оның Украина Ресеймен соғыста жеңіске жетіп, басып алынған барлық аумақтарын қайтарып алуы мүмкін деген бұрынғы мәлімдемесін еске салды, деп хабарлайды Arasha.kz.
Сол кезде Дональд Трамп былай деп жауап берді:
«Украина әзірге жеңіске жете алады. Мен олардың міндетті түрде жеңеді деп ойламаймын, бірақ мұны істеуі мүмкін. Мен ешқашан "олар жеңеді" деп айтқан емеспін, мен "мүмкін" дедім. Соғыста бәрі болуы мүмкін. Соғыс — өте ерекше нәрсе. Онда жаман да, жақсы да көп жағдайлар болады».
Қыркүйек айының соңында Украина президенті Владимир Зеленскиймен телефон арқылы сөйлескеннен кейін Трамп өзінің Truth Social әлеуметтік желісінде Украина Еуропаның көмегімен Ресей басып алған барлық аумақтарды қайтарып ала алады деп жазған еді.
Алайда өткен аптада Ресей президенті Владимир Путинмен сөйлескеннен кейін Трамп Украинадағы соғыс туралы пікірін қайта өзгерткен.
Батыс БАҚ-тарының хабарлауынша, жақында Вашингтонда өткен келіссөздер кезінде Трамп Зеленскийге Ресейге аумақ беруді ұсынған, өйткені «басқаша жағдайда Украина жойылады» деп мәлімдеген.
