Алматыда автобус аялдамаға соғылып, екі адам зардап шекті, деп хабарлады қалалық полиция департаментінің баспасөз қызметі.
«Жергілікті полиция қызметінің кезекші бөліміне түскен ақпаратқа сәйкес, бұл жол-көлік оқиғасы бүгін сағат 12:35-те Алматы қаласының Жетісу ауданында болған. Yutong маркалы автобустың жүргізушісі Солтүстік айналма көшесімен солтүстік бағытта жүріп келе жатып, рөлге ие бола алмай, бордюр тасына және аялдама кешеніне соғылған, сондай-ақ сол уақытта аялдамада тұрған жаяу жүргіншіні қағып өткен. ЖКО салдарынан екі адам медициналық көмекке жүгінді: аялдамада тұрған жаяу жүргінші және автобустың бір жолаушысы», – деп мәлімдеді ПД.
Апаттың мән-жайын Жетісу аудандық полиция басқармасының қызметкерлері анықтап жатыр.
