Ресей президентінің баспасөз хатшысы Дмитрий Песковтың айтуынша, Украина билігінің саяси-дипломатиялық шешімнен бас тартуы мен Еуропа елдерінің арандатушылығы салдарынан қақтығысты реттеу процесі тоқтап қалды. Ол бұл пікірін АҚШ-тың арнайы өкілі Стивен Уиткоффтың “тараптар арасындағы сенімнің жоқтығы келіссөздерді қиындатады” деген мәлімдемесіне жауап ретінде айтты, деп хабарлайды Arasha.kz.
«Қазір бейбіт реттеу жолындағы басты бөгет – Киевтің келіссөз үстеліне отырудан бас тартуы және еуропалық елдердің оны соғысты жалғастыруға итермелеуі. Мұның салдарынан жағдай Украинаның өзіне де күн сайын қиындап барады», – деді Песков.
Сонымен қатар ол Ресей мен Украина арасында сенімнің мүлде жоқ екенін атап өтті.
«Қазір өзара сенім туралы айтудың өзі орынсыз. Бұл сенімнің жетіспеушілігі емес, оның түбегейлі болмауы», – деді Кремль өкілі.
