Мұндай шешімді акционерлер сұраныс құрылымының өзгеруі және зауыттың жүктемесінің төмендеуі аясында қабылдаған. Қазір кәсіпорын жобалық қуатының шамамен үштен біріне ғана жұмыс істеп тұр, деп хабарлайды Arasha.kz.
Компанияның хабарлауынша, серіктестер мен мемлекеттік органдар алдындағы барлық қолданыстағы міндеттемелер толық орындалады. Қызметкерлерге еңбек өтіліне қарай төрт айлық жалақыға дейін өтемақы беріледі. Фирмалық сауда нүктелерінің жартысынан астамы жұмысын жалғастырады – олар өңірдегі өзге нан-тоқаш өндірушілерімен жұмыс істеуге көшеді.
Өндірістік алаңда тау-кен және шахталық жабдықтарды жөндеу және өндірумен айналысатын жаңа кәсіпорын ашу жоспарланып отыр. Компанияның айтуынша, бұл жоба жаңа жұмыс орындарын ашып, облыс бюджетіне қосымша салық түсімдерін қамтамасыз етеді.
2020 жылдан бері «Сарыарқа НАН» зауытының құрылтайшысы – «Қазақмыс» холдингінің директорлар кеңесі төрағасы Эдуард Огайдың ұлы Владислав Огай. Бұған дейін кәсіпорын мәжілістің экс-спикері Нұрлан Нығматулиннің ағасы, депутат Ерлан Нығматулинге тиесілі болған.
