Үндістанның Гоа штатында орналасқан түнгі клубтағы өрт салдарынан кемінде 25 адам көз жұмды. Өрт жергілікті уақытпен 2025 жылғы 6 желтоқсанға қараған түні шамамен түн ортасында басталған, деп хабарлайды Arasha.kz.
Құрбандардың басым бөлігі – клубтың асүй қызметкерлері. Сонымен бірге қаза болғандар арасында үш-төрт турист болғаны болжанып отыр, деп жазды Sky News.
Әлеуметтік желілерде жарияланған видеоларда жедел қызмет өкілдерінің жараланғандарға көмек көрсету үшін тізіліп тұрғаны, кейбір зардап шегушілердің жақын маңдағы ауруханаларға жеткізілгені көрсетілген.
«Бұл орны толмас қаза кезінде көз жұмғандардың барлық отбасына терең қайғырып, шын жүректен көңіл айтамын», - деді Гоа штатының бас министрі Прамод Савант.
Кейінірек ол «қасіретті өрттен кейін қалыптасқан жағдайды мұқият бақылап отырғанын» айтып, тағы алты адамның жарақат алғанын жеткізді.
Оқиғаның мән-жайын тексеру жалғасып жатыр.
