Армения премьер-министрі Никол Пашинян мінген ұшақ Мәскеуге қона алмады. Бұған әуе кеңістігінің жабылуы себеп болғанын Baza мәлімдеді, деп хабарлайды Arasha.kz.
Пашинян отырған ACJ319 әуе кемесі Тверь облысы үстінде шамамен бір сағат бойы шеңбер жасап, қонуға рұқсат күтті, бірақ қонуға рұқсат берілмеді.
Соңында ұшақты Пулково әуежайына бағыттап, ол түнгі бірлер шамасында сол жерге қонды.
Армения премьер-министрі Германияға сапарынан кейін Мәскеуге бет алған. Ресей астанасында ол Еуразиялық экономикалық одақтың үкіметаралық кеңесінің отырысына қатысуы тиіс еді.
Түнде Мәскеуге жасалған дрон шабуылы салдарынан қала әуежайларында 170-тен астам рейс тоқтатылған.
