Ұлыбритания мен Еуропалық одақ Ресейдің мұнай саласына және «көлеңкелі флот» деп аталатын құрылымдарға бағытталған санкцияларды кеңейтетінін мәлімдеді, деп хабарлайды Arasha.kz.
18 желтоқсанда Ұлыбритания билігі санкциялық тізімге тағы 24 жеке және заңды тұлғаны енгізді. Шектеулер, атап айтқанда, ресейлік «Татнефть», «Русснефть», «Руснефтегаз» және «ННК-Ойл» мұнай компанияларына қатысты қолданылды. Бұл туралы Біріккен Корольдік үкіметі жариялаған хабарламада айтылған.
Сонымен қатар санкциялар «Текстиль-сервис», «Фабрика ваты» компанияларына, БАӘ-де тіркелген Saphira Energy-ге, Ферғана химия зауытына, сондай-ақ Өзбекстандағы Gelion Business Trade және Chemistry International компанияларына да әсер етті. Тізімге бес жеке тұлға да енгізілген.
