Төтенше жағдайлар министрлігінің хабарлауынша, Жамбыл ауданы, Үмбеталы ауылындағы су айдынына ойнау үшін төрт жасөспірім мұз үстіне шыққан. Мұз тым жұқа болып, олардың бәрі суға батып кеткен, деп хабарлайды Arasha.kz.
Оқиға орнына құтқарушылар келді. Алғашқы болып көмекке балықшы ұмтылған — ол үш баланы судан шығарып үлгерген, бірақ төртіншісін құтқару мүмкін болмады. Оның денесін кейінірек сүңгуірлер шығарып, полицияға тапсырды.
Төтенше жағдайлар департаменті тұрғындарды мұздың қалыңдығына сенбеуге және балаларды қараусыз қалдырмауға шақырады.
