Top10VPN порталы жариялаған жыл сайынғы рейтингке сәйкес, Ресей интернетті өшіру жағдайлары мен қолданылатын цензура көлемі бойынша барлық елдердің арасында бірінші орынға шықты, деп хабарлайды Arasha.kz.
Сарапшылардың бағалауынша, 2025 жылы Ресейде желіге қолжетімділік жалпы алғанда 37 166 сағат бойы болмаған. Бұл шамамен 146 миллион пайдаланушыға, яғни елдің әрбір тұрғынына дерлік әсер еткен.
Рейтинг авторлары желі жұмысындағы мұндай жаппай үзілістер Ресей экономикасына шамамен 11,9 миллиард доллар шығын әкелуі мүмкін екенін көрсетті.
Салыстыру үшін айтсақ: интернеттің өшірілу ұзақтығы бойынша рейтингте екінші орынға Пәкістан тұрақтады. Онда интернет 11 482 сағат бойы қолжетімсіз болған — бұл Ресеймен салыстырғанда үш еседен де аз көрсеткіш.
