Таиландта құрылыс краны жолаушылар пойызына құлады. Пойыз жолдан шығып, салдарынан 22 адам қаза тауып, 30-дан астам адам жарақат алғаны туралы AFP хабарлады. Reuters агенттігі 19 адамның қаза тауып, 80 адамның жараланғанын жазды, деп хабарлайды Arasha.kz.
Оқиға Бангкоктан солтүстік-шығысқа қарай орналасқан Накхонратчасима қаласында болды. Пойызда 195 адам болған, ол Бангкоктан Убонратчатани провинциясына бағыт алған. Кран құлаған соң пойыз өртеніп, кейбір мәйіттер әлі шығарылмаған.
Кран жоғары жылдамдықты темір жол желісін салу кезінде пайдаланылған, бұл желі 2028 жылға қарай Бангкокты Қытайдағы Куньмин қаласымен қосуы керек. 5,4 миллиард долларлық жоба Қытайдың «Бір белдеу, бір жол» ауқымды бастамасы аясында қаржыландырылуда.
