Украинаның бұрынғы энергетика министрі Герман Галущенконы жемқорлық ісі бойынша Ұлттық сыбайлас жемқорлыққа қарсы бюро (ҰСЖБ/НАБУ) мен Мамандандырылған сыбайлас жемқорлыққа қарсы прокуратура (МСЖҚП/САП) ұстады, деп хабарлайды Arasha.kz «РБК-Украина» басылымына сілтеме жасап.
Ұстау шарасы өткен түнде болды. Экс-министр энергетика саласындағы ауқымды жемқорлыққа қатысты «Мидас» ісіне фигурант ретінде тартылған.
Галущенконың ұсталғаны туралы ақпаратты НАБУ растады.
Заңнама талаптары мен сот санкциясына сәйкес жүзеге асырылып жатқан алғашқы тергеу амалдары жалғасуда. Толық мәлімет кейінірек жарияланады, - делінген хабарламада.
