Словакия Украинаға электр энергиясын шұғыл жеткізуді тоқтатты, деп хабарлайды Arasha.kz.
Бұл туралы елдің премьер-министрі Роберт Фицо дүйсенбі күні ТА3 телеарнасының эфирінде мәлімдеме жасады.
«Бүгіннен бастап, егер Украина тарапы Словакияға Украинаның энергетикалық желісін тұрақтандыруға көмек сұрап жүгінсе, онда мұндай көмекті алмайды», - деп келтіреді оның сөзін ТАСС агенттігі.
Мұндай шешім айдың басында Словакия үшін «Дружба» құбыры арқылы мұнай айдаудың тоқтатылуына байланысты қабылданып отыр.
Сондай-ақ Фицо, егер жағдай өзгермесе, Братислава бұдан былайғы қадамдарға баруға дайын екенін ескертті.
