Дүниежүзілік банктің Атқарушы директорлар кеңесі инклюзивті және тұрақты экономикалық өсім саласындағы реформалар бойынша екінші операцияны қолдау үшін 600 млн доллар көлеміндегі қарызды мақұлдады, деп хабарлайды Arasha.kz.
Қаражат жеке секторды нығайтуға, жоғары сапалы жұмыс орындарын құруға және «Қазақстан-2050» стратегиясы мен 2025–2029 жылдарға арналған ұлттық даму жоспары шеңберінде экономиканың тұрақтылығын арттыруға бағытталған.
Операция сонымен қатар тариф белгілеу тиімділігін арттыру, жаңартылатын энергетиканы дамыту, цифрлық инфрақұрылымды және халықты әлеуметтік қолдау шараларын қамтиды. Бұл экономиканы әртараптандыру мен тұрақты өсуді мақсат тұтқан бағдарламалық операциялар сериясының екіншісі болып табылады.
Дүниежүзілік банк Қазақстанға 2031 жылға дейін жыл сайын 1 млрд долларға дейін қаражат бөлуді жоспарлап отыр.
