Artemis II миссиясы аясында NASA-ның "Орион" ғарыш кемесі төрт астронавтпен бірге Тынық мұхитына, Калифорния жағалауы маңына сәтті қонды. Бұл – жарты ғасырдан астам уақыттан кейін адамдардың Айға ұшып барып қайтқан алғашқы миссиясы, деп Arasha.kz тілшісі ВВС-ге сілтеме жасап хабарлайды.
Қону жоспар бойынша АҚШ-тың батыс жағалау уақытымен шамамен 17:08-де (Гринвич уақыты бойынша 11 сәуір 00:08-де) жүзеге асты.
Қону сәтті өткеніне қарамастан, "Орион" экипажы құтқару тобына спутниктік байланыс орнатуда қиындықтарға тап болған. Соның салдарынан астронавттар әрекеттерін Хьюстондағы басқару орталығы арқылы үйлестіруге мәжбүр болды. Дегенмен, NASA бұл қонуды "оқулықтағыдай мінсіз орындалған" деп бағалады.
Қону аяқталғаннан кейін экипаж мүшелерінің жағдайы жақсы екені хабарланды.
NASA басшысы Джаред Айзекман бұл сәттің әсерлі болғанын жасырмады. Оның айтуынша, экипаждың жерге аман-есен оралуы өзін қатты толқытқан.
"Бала кезімдегі мен дәл қазір көргеніне сене алмай тұр. Бұл – тек бастамасы. Біз қайтадан астронавттарды Айға жіберіп, оларды қауіпсіз қайтару дәуіріне оралдық", – деді ол.
