Ормуз бұғазы әлі күнге дейін жабық және бұл Иранның оны ашқысы келмегенінен байланысты емес. The New York Times басылымының америкалық шенеуніктерге сілтеме жасап хабарлауынша, Тегеран өзі орнатқан миналардың нақты қай жерде жатқанын толық білмейді, деп жазады Arasha.kz.
АҚШ пен Израиль Иранға қарсы әскери әрекеттер бастағаннан кейін, Ислам революциясы сақшылары корпусы бұғазды жедел түрде миналаған. Миналар шағын кемелер арқылы орнатылған, олардың бір бөлігі ағыс бойымен еркін қозғалу үшін әдейі қалдырылған. Кейбір миналардың нақты орналасқан жері тіркелмеген.
Нәтижесінде Иран өз стратегиясының "тұзағына" түскен: бұғаз ретсіз миналанып, олардың нақты қай жерде екенін анықтау қиынға соғуда. Минаны орнату салыстырмалы түрде оңай болса, оны табу мен залалсыздандыру әлдеқайда күрделі процесс. Ал Иранда жедел түрде толық минадан тазарту жұмысын жүргізуге қажетті техникалық мүмкіндіктер жеткіліксіз.
Тегеран уақытша шешім тапқан. Ислам революциясы сақшылары корпусы қауіпсіз бағыттарды белгілеп, миналардан айналып өтетін ресми маршруттарды жариялаған. Осы бағыттар арқылы жүруге дайын кемелерге рұқсат беріліп, белгілі бір төлем енгізілген. Ирандық БАҚ бұл қауіпсіз жолдардың карталарын да жариялаған.
