Украина президенті кеңсесінің кеңесшісі Михаил Подоляк елдегі президент сайлауы келесі жылы өтуі мүмкін екенін мәлімдеді, деп хабарлайды Arasha.kz сайты УНИАН Telegram-арнасына сілтеме жасап.
«Украинада сайлау 2027 жылдың көктемінде өтуі мүмкін», — деді М. Подоляк.
Оның сөзінше, бұл сценарий бейбіт келісімге қол жеткізілген жағдайда ғана жүзеге асуы мүмкін.
Бұған дейін Ресей тарапы Украинамен келіссөздерге қатысты пікір білдірген еді. Мемлекеттік думаның халықаралық істер жөніндегі комитеті төрағасының бірінші орынбасары Дмитрий Новиков Украина президенті Владимир Зеленскийдің бейбіт келісім жасауға қатысты кез келген ұсыныстардан бас тартып отырғанын айтты.
