15 шілдеден 16 шілдеге қараған түні футболдан 2026 жылғы әлем чемпионатының жартылай финалында Англия мен Аргентина құрамалары кездеседі, деп хабарлайды Arasha.kz.
Тартысты матч АҚШ-тың Атланта қаласындағы «Мерседес-Бенц Стэдиум» аренасында өтеді. Қос құраманың қайсысы жеңіске жетсе, әлем чемпионатының финалына жолдама алады.
Англия – Аргентина матчы қашан басталады?
Кездесу Қазақстан уақытымен 16 шілде күні сағат 00:00-де басталады.
Матчты Qazsport және Qazaqstan телеарналары тікелей эфирден көрсетеді.
Англия Норвегияны қалай жеңді?
Англия құрамасы ширек финалда Норвегиямен кездесіп, 2:1 есебімен жеңіске жетті.
Ойынның 36-минутында норвегиялық Андреас Шельдеруп есеп ашты. Алайда бірінші таймның қосымша уақытында Джуд Беллингем таразы басын теңестірді.
Негізгі уақыт 1:1 есебімен аяқталып, жеңімпаз қосымша уақытта анықталды. 93-минутта Беллингем екінші голын соғып, Англия құрамасын жартылай финалға алып шықты.
Аргентина Швейцариядан басым түсті
Аргентина құрамасы ширек финалда Швейцарияны қосымша уақытта 3:1 есебімен жеңді.
Кездесудің 10-минутында Алексис Макаллистер есеп ашқанымен, 67-минутта Дан Ндойе Швейцарияның қарымта голын соқты.
Қосымша уақытта аргентиналықтар қарсылас қорғанысын екі рет бұзды. 112-минутта Хулиан Альварес командасын алға шығарса, 120+1-минутта Лаутаро Мартинес матчтың нүктесін қойды.
