Назарбаев Қоры Алматыдағы ғимаратын Президент іс басқармасына сыйға тартты, деп жазды ҚазТАГ.
«2023 жылдың мамыр айында Алматыдағы Ганди көшесі 10 мекен-жайында орналасқан әкімшілік ғимараты мемлекет меншігіне өтеусіз өтіп, ПІБ балансына қосылды», — деп жауап берді Президент Іс басқармасы редакцияның сауалына.
Сондай-ақ Алматыдағы президент резиденциясы бұзылғаннан кейін Президент Әкімшілігі өкілдігі мен ПІБ қызметкерлері жаңа ғимаратқа көшіп үлгергені айтылған. Онда Президент Қасым-Жомарт Тоқаевтың жұмысқа арналған кеңсесі бар.
«Қазір Алматыда президент резиденциясының жаңа ғимаратын салу мәселесі қарастырылып жатқан жоқ», — деп хабарлады ПІБ.
Еске салсақ, Президент Қасым-Жомарт Тоқаев Алматыдағы жұмыс кездесулерін Назарбаев Қорының ғимаратында өткізе бастаған болатын.
