21-02-24 |
3670 рет қаралған
Діни әдебиеттерді тасымалдаған Қырғызстан азаматы пойыздан түсірілді.
Діни әдебиеттерді тасымалдаған Қырғызстан азаматы пойыздан түсірілді

Қырғызстан азаматына тыйым салынған діни әдебиетті тасымалдағаны үшін 258 мың теңге айыппұл салынды.

Түрксіб станциясындағы желілік полиция бөлімінің қызметкерлері рейдтік іс-шараларды өткізу барысында «Бішкек-Самара» бағытындағы пойыз жолаушыларының бірінен Қазақстан Республикасының аумағында тыйым салынған діни әдебиеттерді сақтау және тасымалдау фактісін анықтағандарын мәлімдеді.

«Тексеру кезінде Қырғызстан Республикасының 19 жастағы азаматы анықталды. Дінтану сараптамасы діни әдебиеттің Қазақстан Республикасының аумағында тыйым салынғандығын көрсетті. Құқық бұзушыға қатысты әкімшілік материал толтырылды», – делінген хабарламада.

Жамбыл облысы Меркі аудандық сотының шешімімен шетел азаматы әкімшілік жауапкершілікке тартылып, оған 70 айлық есептік көрсеткіш (258 440 теңге) мөлшерінде айыппұл салынды.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.