Әйгілі әнші Димаш Құдайберген Ресейдегі белгілі шоу-бағдарламалардың біріне қатыстып, елбасы Нұрсұлтан Назарбаевтың танымалдығы туралы айтты.

Әзіл-қалжыңы аралас «Вечерний Ургант» шоу-бағдарламасында жүргізуші Иван Ургант Димаш Құдайбергенге:

– Саған жақында Джеки Чанның өзі (танымал кино жұлдыз ред.) хабарласыпты ғой?» – деген сұрақ қойған еді, Димаш Джеки Чанның танымал бола тұра қарапайым екендігін айта келе:

-«Ол тіпті әлемгі ең танымал адам деуге болады, тіпті барлық президенттерден де танымал», -деп айтып жатқанда, Ургант Димаштың сөзін бөліп:

-«Бірақ біреуінен кейін…», -деп айтып қалып еді, Димаш та қалжыңды іліп алып:

-«Назарбаевтан кейін…», -деп жауап қайтарды. Бағдардламаға қатысып отырғандар бұл сөзге ду күліп, Ивант Ургант жөтелген сыңай танытты. Ал Димаш болса:

-«Сіз жөтеліп жатқанда мен сізге қазақтың сыйлы адамдарға тарту ететін шапанын сыйлағым келеді», -деп Иван Урганттың иығына шапан жапты. Тележүргізуші мұндай шапан Николос Кейдж екеуінде ғана бар екенін айтып, қуанышын білдірді. Содан, Димаш Урганттан «жалғыз президент» тақырыбына оралғысы келетінін айтты да:

-«Сіз әлі де ол Назарбаев емес деп есептейсіз бе?» -деп сұрап еді, Ургант басқа адам туралы ойлағанын айтып, бағдарламаға Дмашпен бірге қатысқан Игорь Крутой:

-«Своя рубашка ближе к телу (өзіңдікі өзіңе жақын)», -дегенді айтты.