Тоқаев ауыл шаруашылығы министрін отставкаға жіберді. Президент Сапархан Омаров басқарып отырған саланың жағдайы нашарлап кеткенін айтты. 

«Менің ойымша, ауыл шаруашылығы министрі Сапархан Омаровтың отставкаға кетуі керек», – деді Тоқаев үкіметтің кеңейтілген отырысында.

Президенттің айтуынша, ҚР-да және бүкіл әлемде өткір мәселе азық-түлік қымбаттап кетті. Елдегі инфляция алғашқы жарты жылда 7,9 пайызды құрады, бұл «белгіленген нысаналы дәлізден 4-6 пайызға әлдеқайда жоғары», – деп атап өтті мемлекет басшысы.

«Пандемия азық-түлік қауіпсіздігі тұрғысынан Қазақстанның осалдығын ашты. Біз Қазақстанның экономикасы ашық екенін және өз нарығымызды импорт пен экспорт үшін жаба алмайтынымызды түсінеміз. Сонымен бірге отандық ауыл шаруашылығы саласының ішкі нарықты базалық өнімдермен қамтамасыз ете алмауына сын өте әділ», – деді Тоқаев.

Оның айтуынша, өндірістік шығындардан басқа, маусымдық және делдалдық схемалар баға белгілеудің негізгі факторлары болып табылады.

«Көкөніс қоймаларын салу және жаңғырту бойынша тапсырма бірнеше рет берілді. Бұл мәселелер Үкімет отырыстарында да қаралды. Өкінішке орай, жағдай жақсы жаққа өзгермейді. Тек алты өңірде ғана көкөніс өнімдерін сақтау үшін жеткілікті қуаттар бар: Атырау, Жамбыл, Қарағанды, Павлодар және СҚО. Үкіметке әкімдермен бірлесіп көкөніс қоймаларын салу және жаңғырту жоспарын әзірлеу тапсырылады. Біздің көптеген қолдау бағдарламаларымыздан ақшаның бір бөлігін осы мақсаттарға жұмсаңыз», – деді президент.

Естеріңізге сала кетейік, бүгінде Ауыл шаруашылығы министрлігін басқарып отырған Сапархан Омаров қазіргі қызметіне 2019 жылдың 25 ақпанында тағайындалған болатын