Алматыда полиция Chocolife басшысы Рамиль Мухоряповқа қатысты істі тоқтатты.

Тергеу бөлімі Қазақстан Республикасының Қылмыстық кодексінің 174 бабы 1-бөлігі бойынша тіркелген қылмыстық іс бойынша сотқа дейінгі тергеу амалдарын жүргізді.

«Сотқа дейінгі тергеп-тексеру нәтижелері бойынша қылмыстық қудалауҚазақстан Республикасының Қылмыстық іс жүргізу кодексінің 35-бабы 1-бөлігі 2-тармағына сәйкес қылмыстық құқық бұзушылық құрамының болмауына байланысты қылмыстық істі тоқтату туралы процессуалдық шешім қабылдады», – делінген Алматы қалалық полиция департаментінің баспасөз қызметі таратқан мәліметте.

Алматы қаласының прокуратурасы процессуалдық шешіммен келісті.

20 қазанда Chocolife басшысы Рамиль Мухоряповтың Ресейден келген адамдармен кездесуінде айтқан мәлімдемесі қазақстандықтарды қатты ашуландырды.Бір қыз жиналғандарға орысша емес, қазақша қызмет көрсетсе, бұл агрессия емес екенін түсіндірді.Ол мұндай жағдайларға түсіністікпен және құрметпен қарауды сұрады.

Жауап ретінде Мухоряпов оған егер бұл жағдай оның басынан өтсе, «адам орыс тілін шынымен білмейтін» жағдайларды қоспағанда, «жеке қатты қайғыратынын» айтты, деп жазды Zakon.kz.

«Себебі, бұл менің ойымша, бұл әлі де біртүрлі болып көрінеді. Ұлтшылдықтың аздап көрінісі. Мұны қабылдауға болады, бірақ бұл үлкен мәдениеттен емес», – деді Мухоряпов.

Осыдан кейін қазақтар одан кешірім сұрауды талап ете бастады.

Кейінірек Рамиль Мухоряпов қазақ тілінде кешірім сұраған видео түсіріген.