Украина президенті Владимир Зеленский украин әскери қызметкерлерімен сөйлескенін айтып, Киев қазіргі уақытта «серіктестермен жаңа жеткізулер бойынша жұмыс істеп жатқанын» мәлімдеді.
«Бізде ең жоғары деңгейдегі саяси сигналдар бар – жақсы сигналдар, соның ішінде Америка Құрама Штаттарынан және еуропалық достарымыздан. Барлық есептер бойынша жеткізілімдер қайта жанданды», – деп жазды Зеленский. Оның айтуынша, «жаңа еуропалық қорғаныс пакеттері» де дайындалып жатыр.
Украина президенті алдағы уақытта Ресейге қарсы санкциялар бойынша да батыл қадамдар күтілетінін айтып, бұл соғыс үшін қысым өз нәтижесін беруі тиіс екенін айтты.
Өткен аптада алдымен бұқаралық ақпарат құралдары, кейін ресми дереккөздер Пентагон Украинаға қару-жарақ жеткізуді уақытша тоқтатқанын хабарлаған болатын. Батыс басылымдары АҚШ Киевке кейбір зениттік зымырандар мен басқа да жоғары дәлдіктегі оқ-дәрілерді жеткізуді тоқтатты деп жазған.
