Қазақстанда Әскери-теңіз күштері күні ресми түрде 2 сәуірде атап өтіледі. Алайда 27 шілде күні Қостанайда бір топ адам КСРО Әскери-теңіз флотының күнін атап өткен, деп хабарлайды Arasha.kz.
Іс-шара қала әкімшілігімен келіспей өткізілгендіктен, ұйымдастырушыларға айыппұл салынды.
Ардагерлердің қатысуымен рұқсат етілмеген іс-шара өткізгені үшін ұйымдастырушыға 20 АЕК көлемінде айыппұл тағайындалды.
Прокуратура рапортты тіркеп, материалдарды құқықтық баға беру үшін полицияға жіберген.
Айта кетейік, КСРО Әскери-теңіз күштері күні бұрын соңғы шілденің жексенбісінде аталып өтетін. Қазіргі таңда бұл күн Ресейде тойланады, ал Қазақстанда бұл күн 2 сәуірге белгіленген.
