Қарағандыда Костенко шахтасындағы жарылысқа қатысты сот үкімі жарияланды. Шахта директоры Сергей Мустивко 8 жылға бас бостандығынан айырылды, деп хабарлайды Arasha.kz.
Басқа басшылар мен инженер-техникалық қызметкерлер де әртүрлі мерзімге сотталды:
Вадим Еремин, Николай Грознов, Виктор Коптенков – 7 жыл;
Владимир Гоноченко – 6,5 жыл;
Дмитрий Федоренко, Дмитрий Коцар, Виталий Пестряк – 6 жыл;
Төлеген Габдушев, Владимир Шишканов – 5 жыл.
Сот оларды «тау-кен жұмыстарын жүргізу кезіндегі қауіпсіздік ережелерін бұзу» бабымен кінәлі деп таныды. Бұл апат салдарынан 46 шахтер қаза тауып, 28 адам жарақат алды, 70-тен астам адам жапа шегуші деп танылды.
Жарылыс 2023 жылдың 28 қазанында Костенко атындағы шахтада болған. Ресми дерек бойынша, себеп – көмір шаңының нормадан тыс жиналып, жарылысқа әкелуі.
Бұл оқиға «АрселорМиттал Теміртау» тарихындағы ең ірі қайғылы жағдай болып, кейін билік компанияның иесін ауыстыруға шешім қабылдады.
