Кеше Арменияға келген Ресей вице-премьері Алексей Оверчук премьер-министр Никол Пашинянмен «жайсыз әңгіме» өткізді деп жазды «Грапарак» газеті үкіметтегі дереккөздерге сілтеме жасап, деп хабарлайды Arasha.kz.
Олардың айтуынша, ресми Тегеран секілді Мәскеу де Пашинянның уәделеріне сенбей отыр. Сондықтан оған ескерту жасалған: егер АҚШ-та қол қойылған декларация Еуразиялық экономикалық одақтың (ЕАЭО) негізгі қағидаларына, атап айтқанда бірыңғай кедендік бақылау ережелеріне қайшы келсе, Арменияға бұл одақ аясында проблемалар туындайды.
ЕАЭО қағидаларына сәйкес, оған мүше елдердің аумағы арқылы өтетін тауарлар бірыңғай кедендік бақылауға бағынады. Әзербайжанды Армения аумағы арқылы Нахчыванмен байланыстыратын «Трамп маршруты» құрылып жатқан жағдайда, Ереванға мына талап жеткізілді: егер Арменияның кеден органдары бақылау жүргізбесе, онда ол ЕАЭО-ның іргелі қағидаларын бұзған болып есептеледі.
«Пашинян алдында таңдау тұр: не Арменияны ЕАЭО-дан шығарады, не санкцияларға ұшырап, артынша ұйымнан шығарылатын болады», – делінген басылымда.
