Logo
Іздеу
Айдарлар

Жамбыл облысы полициясы бастығының орынбасары ұсталды

/
Жамбыл облысы полициясы бастығының орынбасары ұсталды
Сурет: ашық дереккөзден

Жамбыл облысы полиция департаменті бастығының орынбасары Жайдарбек Құттыбаев ұсталған. Бұл туралы Orda.kz сайты жазды, деп хабарлайды Arasha.kz.

Ұсталған қызметкер өңірлік ПД-дағы кадрлық жұмыстарға жауапты болған.

Ішкі істер министрлігі бұл мәліметті растады:

«Оны ІІМ-нің өзіндік қауіпсіздік қызметі ұстады. Заңсыз әрекеттер жасады деген күдік бар, қазіргі уақытта уақытша ұстау изоляторында отыр. 29 тамызда Құттыбаев қызметтен теріс себептер бойынша босатылды. Заңды да, антына адалдықты да бұзғандардың барлығы анықталып, жауапқа тартылады».

Өткен жылдың күзінде Жамбыл облысында полиция басшылығына қатысты ауқымды кадрлық тазарту жүргізілген болатын. ІІМ-нің инспекторлық тексерісі нәтижесінде департаменттің басшысы мен бірнеше орынбасарын қоса алғанда, басшылықтың басым бөлігі қызметінен кеткен.

Олардың орнына жаңа кадрлар келген. Солардың ішінде Жайдарбек Құттыбаев та ПД бастығының орынбасары қызметіне тағайындалған еді.