АҚШ Палестина көшбасшысы Махмуд Аббасқа келесі айда Нью-Йоркте өтетін БҰҰ Бас Ассамблеясының сессиясына баруға виза бермейтінін хабарлады. Бұл жиында Ұлыбритания, Франция және басқа да елдер Палестина мемлекеттілігін мойындауды жоспарлап отыр, деп хабарлайды Arasha.kz.
Financial Times басылымының жазуынша, АҚШ-тың мемлекеттік хатшысы Марко Рубио Палестина әкімшілігі мен Осло келісімдері аясында құрылған Босату ұйымы делегациясына шектеулі түрде ғана рұқсат берілетінін, бірақ Аббасқа бұл жеңілдік жүрмейтінін айтты.
Бұл шешім Трамп әкімшілігінің Израильді қолдауын және палестиндықтар мен еуропалық елдердің Израильді халықаралық соттарда жауапқа тарту әрекеттеріне қарсы ұстанымын көрсетеді.
Рубио Палестина әкімшілігі мен ООП-ны терроризмнен толықтай бас тартпады деп айыптап, «бейбіт әріптес болу үшін терроризмді түбегейлі жоққа шығарып, арандатушылықты тоқтату қажет» деді.
Айта кетейік, биыл Аббас 2023 жылғы 7 қазандағы шабуылды айыптап, ХАМАС-тан Израиль тұтқындарын босатуды талап еткен еді.
