Павлодар облысының тұрғыны өгей қызына қатысты сексуалдық сипаттағы зорлық әрекеттері үшін сотталды, деп хабарлайды Arasha.kz.
«Сот К.-ны ҚК-нің 120-бабының 4-бөлігі, 124-бабының 1-бөлігі бойынша кінәлі деп танып, 121-бабының 4-бөлігіне сәйкес өмір бойына бас бостандығынан айыру жазасын белгіледі. Сондай-ақ 124-баптың 1-бөлігі бойынша 7 жылға бас бостандығынан айыру және кәмелетке толмаған балалармен жұмыс істеуге, заң саласындағы қызметке өмір бойына тыйым салу жазасы тағайындалды. Қылмыстық құқықбұзушылықтардың жиынтығы бойынша түпкілікті жаза – ерекше қауіпсіздік жүйесіндегі мекемеде өмір бойына бас бостандығынан айыру, балалармен жұмыс істеуге және педагогикалық қызметпен айналысуға өмір бойына тыйым салу», – деп оқып шықты үкімді Павлодар облысы бойынша қылмыстық істер жөніндегі мамандандырылған ауданаралық сотының судьясы Нұрлан Айтбаев.
ҚазТАГ-тың хабарлауынша, 2020 жылы Шарбақты ауданындағы бір кәсіпорында жұмыс істейтін 35 жастағы қара жұмысшы К. әйелмен және оның 12 мен 6 жастағы қыздарымен бірге тұра бастаған. Қылмыс биыл жасалған. Бірінші жағдай сәуірде, екінші – мамырдың басында, үшінші оқиға – 20 мамырда болған.
Сотталушы жәбірленушіге 7 млн теңге моральдық өтемақы төлеуге міндеттелді.
