Рэпердің концерттерін тоқтатуды талап еткен өтініш e-petition порталында жарияланды. Қараша айында әртіс Алматы мен Астанада өнер көрсетуді жоспарлап отыр. Петицияда адресат ретінде Мәдениет және ақпарат министрлігі көрсетілген, деп хабарлайды Arasha.kz.
Наразылық әртістің Ресейдің Украинаға қарсы соғысын ашық қолдауымен байланысты.
«Біздің еліміз ресми мемлекеттік деңгейде, халықтың басым бөлігі сияқты, тәуелсіз Украина мемлекетінің аумақтық тұтастығы мен егемендігін қолдайды. Біз геосаяси әскери қақтығыстарда бейтарап ұстанымдамыз. Ресей Федерациясының әскери агрессиясын агрессивті әрі ашық насихаттауды қолдамаймыз», — делінген мәтінде.
Петицияға 50 адам қол қойып, қаралым саны бір жарым мыңнан асты. Енді өтініш модерациядан өтуі тиіс, бұл бір айдан астам уақыт алады. Осылайша, Тиматидің концертіне дейін өтінішті қарауға үлгермейді.
Ұқсас жағдай Полина Гагаринаның концерті төңірегінде де болған еді, оның өнер көрсетуіне қарсы да қол жинаған.
