Ақмола облысының Степногорск қаласында өткен грэпплинг жарысы кезінде командалардың бапкерлері төбелескен. Полиция тексеріс бастады, деп хабарлайды Arasha.kz.
Жарыстан түсірілген бейнежазба әлеуметтік желіде тарады.
Степногорскіде өткен жарыста бапкерлер арасындағы төбелес қоғам назарын аударды десе болады. Грэпплингтен жаттығатын тәрбиеленушілердің ата-аналары видеоны желіге жүктеген.
Бұл жағдайға Ақмола облыстық полиция департаменті де реакция білдірді.
«Аталған факт Степногорск полиция басқармасында тіркелді. Қақтығысқа қатысқан адамдар анықталды», – деп хабарлады полиция.
Құқық қорғау органдарының мәліметінше, қазіргі уақытта оқиғаның мән-жайы анықталып жатыр. Тексеру нәтижесіне сәйкес, заң аясында шешім қабылданады.
