Оқиға «Арыстан» тұрғын үй кешенінде болған. Бір адам қаза тапты, тағы екі адам жарақат алды. Зардап шеккендер ауруханаға жеткізілді, деп хабарлайды Arasha.kz.
Астана қаласының денсаулық сақтау басқармасы оқиғаның мән-жайын баяндады. Лифт жөндеу жұмыстары жүргізіліп жатқан кезде құлап кеткен.
«Екі қызметкер №1 көпсалалы қалалық ауруханаға жеткізілді. Бір науқастың жағдайы – орташа ауыр, екіншісінікі – ауыр. Бірі анестезиология, реанимация және қарқынды терапия бөлімінде жатыр, екіншісі – политравма бөлімінде ем қабылдап жатыр», – деп хабарлады басқарма.
Полиция мәліметінше, Қылмыстық кодекстің 156-бабы («Еңбекті қорғау қағидаларын бұзу, абайсызда адам өліміне әкеп соғу») бойынша іс қозғалды.
