Ақтөбеде ерлі-зайыптылардың мәйіті табылды, деп хабарлайды Arasha.kz.
Orda.kz сайтының мәліметінше, олардың артында бес бала қалған. Екеуі де алдыңғы күні жоғалып кеткен, волонтёрлер оларды іздеуге көмек сұраған.
Бүгін ерлі-зайыптылар қала сыртынан өлі күйінде табылды. Негізгі нұсқалардың бірі — ер адамның әйелін өлтіріп, кейін өз-өзін асып өлтіргені.
«Әйелдің денесі зорлық-зомбылық белгілерімен табылды. Артынша оның күйеуі асылған күйде анықталды. Оқиға орнында тергеушілер жұмыс істеп жатыр — аумақты қарап, дәлелдер жинауда. Сараптамалар тағайындалды, қылмыстық іс қозғалды», — деп хабарлады Ақтөбе облыстық ПД.
Бұған дейін қыркүйек айында Түркістан облысында қызғаныштан 45 жастағы ер адам әйелін өлтіріп, кейін өзіне қол салған еді. Таңертең олардың денесін балалар тауып алған.
