Ресейдегі Тәжікстан елшілігі Одинцоводағы мектепте 10 жастағы тәжік баласының қаза табуын қатаң бақылауға алды және Ресей Сыртқы істер министрлігінің атына ресми хат жолдады, деп хабарлайды Arasha.kz.
Бұл туралы Asia+ агенттігіне Тәжікстан Сыртқы істер министрлігінен хабарлаған.
«Бұл оқиға Ресейдегі Тәжікстан елшілігінің қатаң бақылауында. Ресми хат Ресей СІМ-іне жолданды. Елшілік қайтыс болған баланың анасымен тұрақты байланыста», — деп мәлімдеді министрліктен.
Министрлік өз атынан қаза болған баланың отбасыға көңіл айтқанын және бұл оқиғаның ресейлік билік органдары тарапынан тергеліп, кінәлі тұлға тиісті жазаға тартылатынына үміт білдіргенін атап өтті.
Еске салсақ, 16 желтоқсан күні Мәскеу маңындағы Горки-2 елді мекенінде жасөспірім мектепке шабуыл жасаған. Ол ғимарат ішінде бұрыш газын шашып, кейін күзетші мен төртінші сынып оқушысына пышақпен соққы жасаған. 10 жастағы бала алған жарақаттарынан көз жұмды, баланың Тәжікстан азаматы екені белгілі болды.
