Қазақстан өзімен экономикалық жағынан ұқсас елдер арасында халықтың қарыз жүктемесі ең төмен мемлекеттердің бірі болып қала береді. Бұл туралы Халықаралық қаржы институтының (IIF) 2026 жылдың бірінші тоқсанына арналған әлемдегі үй шаруашылықтарының қарызы туралы деректері куәландырады, деп хабарлайды Arasha.kz.
Бұл жерде мемлекеттік қарыз емес, дәл халықтың жеке қарыз жүктемесі сөз болып отыр.
Халықтың несиеге батуы жағынан Швейцария әлемде көш бастап тұр - онда бір тұрғынға шаққанда шамамен 150 мың доллар қарыз келеді.
Сондай-ақ, үй шаруашылықтарының қарызы ең жоғары елдердің қатарына мыналар кірді:
Австралия - әр адамға 83,1 мың доллар;
АҚШ - 60,6 мың доллар;
Канада - 58,8 мың доллар.
Айта кетейік, қарыз жүктемесі ең жоғары он елдің алтауы Еуропада орналасқан.
Сарапшылардың пікірінше, Швейцариядағы салық жүйесі азаматтарды ипотекалық несиелерін мерзімінен бұрын жабудан гөрі, оны мүмкіндігінше ұзақ уақыт сақтап қалуға ынталандырады.
Осы тұрғыдан алғанда, Қазақстанның несиеге тәуелділігі әлдеқайда төмен.
IIF бағалауынша, Қазақстан үй шаруашылықтарының жиынтық қарызы шамамен 47 млрд долларды құрайды, ал оның ЖІӨ-ге қатынасы шамамен 15%-ды құрайды.
Бір тұрғынға шаққанда бұл көрсеткіш шамамен 2,3 мың долларға тең - бұл Швейцариямен салыстырғанда шамамен 65 есе аз.
