Қырғызстан аумағында 9 қыркүйек кешке магнитудасы 4,1 болатын жер сілкінісі болды. Бұл туралы Қазақстанның Ұлттық деректер орталығы мәлімдеді, деп Arasha.kz тілшісі Kazinform.kz-ке сілтеме жасап хабарлайды.
Қазақстан Республикасы Ұлттық ядролық орталығының Деректер орталығы ұсынған жедел мәліметке сәйкес, жер сілкінісі 9 қыркүйек күні Астана уақытымен сағат 22:03-те (Гринвич уақыты бойынша 17:03) тіркелген.
Жерасты дүмпуінің эпицентрі солтүстік ендіктің 41,69 және шығыс бойлықтың 74,69 градусында орналасқан.
Жер сілкінісінің магнитудасы 4,1, энергетикалық класы 9,8 болды.
Бұған дейін Қазақстан аумағында да жер сілкінісі тіркелгені хабарланған болатын.
