Контентке өту
Қазақстан Тәуелсіздігіне 25 жыл
Жаңалықтар Қоғам Саясат Аймақтар Спорт Мәдениет Әлем Денсаулық Ғылым Тарих Экономика Қаржы
Спорт

Ясмина Тоқсанбаева Азия ойындарының чемпионы атанды

Ясмина Тоқсанбаева Азия ойындарының чемпионы атанды
Фото: Qazsport.kz

Қазақстандық жеңіл атлет Ясмина Тоқсанбаева Жапонияның Аичи–Нагоя қалаларында өтіп жатқан ХХ жазғы Азия ойындарында алтын медаль жеңіп алды, деп хабарлайды Arasha.kz.

Отандасымыз әйелдер арасындағы марафондық спорттық жүріс бәсекесінде 3 сағат 22 минут 20 секунд нәтиже көрсетіп, мәреге бірінші болып жетті.

Күміс медальді Қытай спортшысы Даньцзэн Цюйцзун (3:26:09), қоланы тағы бір қытайлық Ма Ли (3:32:26) иеленді.

Осылайша, Ясмина Тоқсанбаева Қазақстан құрамасына Азиада-2026 ойындарындағы тоғызыншы алтын медальді сыйлады.

Ясмина Тоқсанбаева ең жақын қарсыласын 3 минут 49 секундқа басып озды.

Ясмина Тоқсанбаева Алматы қаласының намысын қорғайды. Ол — халықаралық дәрежедегі спорт шебері. Спортшының жеке жаттықтырушылары — Майя Созонова мен Елена Юда.