Қазақстандық боксшы Айбек Оралбай 2026 жылғы Азия ойындарының финалына шықты. Отандасымыз жартылай финалда Үндістан өкілін сенімді жеңді, деп хабарлайды Arasha.kz.
Айбек жекпе-жекті белсенді бастап, алғашқы раундта-ақ басымдықты өз қолына алды. Бес төрешінің барлығы бірінші раундты қазақстандық боксшының пайдасына бағалады – 5:0.
Екінші раундта да Оралбай қарсыласына мүмкіндік бермей, төрешілердің бірауыздан шешімімен тағы да 5:0 есебімен алда болды.
Шешуші үшінші раундта Айбек қарқынын күшейтіп, үндістандық боксшыны нокдаунға түсірді. Нәтижесінде қазақстандық спортшы айқын жеңіске жетіп, Азия ойындарының финалына өтті.
Финалда кіммен кездеседі?
Алтын медаль үшін жекпе-жекте Айбек Оралбай Өзбекстан өкілі Жахонгир Зокировпен жұдырықтасады.
