Испанияда жолаушылар пойыздарының қатысуымен ауыр теміржол апаты болды. Мадрид пен Андалусияны байланыстыратын жоғары жылдамдықты теміржол желісінде екі пойыз соқтығысып, ондаған адам қаза тапқаны белгілі болды, деп хабарлайды Arasha.kz.
Алдын ала тараған ақпаратқа сәйкес, Севилья бағытында келе жатқан пойыз басқа жолаушылар пойызымен соқтығысқан. Соққы салдарынан екі вагон рельстен шығып кеткен.
Жергілікті бұқаралық ақпарат құралдарына сілтеме жасаған хабарламаларда қаза тапқандар саны 46 адамға жеткені айтылған. Алайда бұл мәліметтің ресми түрде расталған-расталмағаны әзірге нақтылануы қажет.
28 қазандағы оқиға туралы Reuters агенттігінің хабарлауынша, апат Испанияның Толедо провинциясында, Лос-Ебенес пен Урда елді мекендерінің арасында болған. Оған Мадридтен Севильяға бағыт алған AVE пойызы мен Iryo компаниясының пойызы қатысқан. Оқиға орнына жедел жәрдем қызметкерлері жіберілген.
