Контентке өту
Қазақстан Тәуелсіздігіне 25 жыл
Жаңалықтар Қоғам Саясат Аймақтар Спорт Мәдениет Әлем Денсаулық Ғылым Тарих Экономика Қаржы
Спорт

Матч кезінде басына доп тиген 18 жастағы футболшы қайтыс болды

Матч кезінде басына доп тиген 18 жастағы футболшы қайтыс болды
Фото: instagram.com/futbolclubezeiza

Аргентинада футбол матчы кезінде басынан ауыр жарақат алған 18 жастағы Абель Нуньес көз жұмды. Жас спортшыға шұғыл медициналық көмек көрсетіліп, ота жасалғанымен, дәрігерлер оның өмірін сақтап қала алмады, деп хабарлайды Arasha.kz.

Қайғылы жағдай Аргентинада өткен жастар арасындағы футбол турнирінде болған. Оқиға туралы "Эсейса" футбол клубының баспасөз қызметі хабарлады. Мәліметке сәйкес, Абель Нуньес жастар турнирінің бесінші дивизионы аясында өткен "Эсейса" мен "Депортиво Муньес" командаларының кездесуіне қатысқан.

Ойын барысында жас футболшының басына доп тиіп, ауыр жарақат алған. Оқиғадан кейін алаңға медициналық мамандар шақырылып, спортшыға алғашқы көмек көрсетілген.

Кейін Абель Нуньес шұғыл түрде ауруханаға жеткізілген. Дәрігерлер оның өмірін сақтап қалу үшін қажетті медициналық шараларды қабылдап, хирургиялық ота жасаған. Алайда мамандардың күш-жігеріне қарамастан, 18 жастағы футболшы қайтыс болды.

Абель Нуньестің қазасына байланысты "Эсейса" футбол клубының басшылығы ресми мәлімдеме жасады. Клуб өкілдері жас спортшының мезгілсіз дүниеден өтуіне байланысты оның ата-анасына, туыстарына, достарына және командаластарына көңіл айтты. Сонымен қатар клуб басшылығы марқұмның отбасына жан-жақты қолдау көрсетуге дайын екенін жеткізді.