Нұр-Cұлтанда тұрмыстағы зорлық-зомбылыққа қарсы митингі өтті. Сенбі күні өткен митингіге 250 елудей адам қатысқан. Әкімшілік рұқсат еткен митингі қаладағы «Жерұйық» саябағында болған. Митингіге қатысушылар отбасы құндылығын сақтауға шақырып, әйелдер, балалар, қарттарға жасалған зорлық-зомбылық істердің ашық жүруін талап етті.

Митингіге қатысқан қоғамдық ұйым өкілдері жанұядағы әке рөлінің маңызын, әйелге қол көтерудің ер адамды төмендететінін, отбасы мейірім мен махаббатқа толы болғанда ғана ол қоғамға да әсер ететінін айтысты.